ميري سألت عن :
ليش اخترت اسم بلير11؟؟؟
ليش اخترت منتدى المشهراوي؟؟؟
أين بتحب تقضي كل وقتك ؟؟؟
أين تجد نفسك بالبيت ؟؟؟
أين تذهب لو أعطيتك يوم اجازة ؟؟؟
مين اكتر عضو بيعجبك من الاعضاء ؟؟؟
ما هو الشيئ اللي بيغضبك بسرعة ؟؟؟
متى تجلس لوحدك ولا تحب ان يكون احد معك ؟؟
متى تقول لا ؟؟؟
متى تكون اناني ؟؟؟
ما رأيك بالحب عبر الانترنت ؟؟؟
ما تعليقك على هذه الجملة ؟؟؟ ( الحب يمحو جميع العيوب والاخطاء في المحبوب ) ما تعليقك ؟؟؟
هل انت راضي عن حياتك وعن كل ما وصلت له ؟؟؟؟ يعني هل انت سعيد بحياتك ؟؟؟
ما هو اجمل ما قيل بالحياة في نظرك ؟؟؟
هل انت فوضوي ؟؟؟
ما رأيك بالصداقة بين الشاب والفتاة؟؟
مين العضو اللي نفسك تغير اسمه ؟؟
مين العضو المثقف بنظرك ؟؟
مين العضو اللي دخل مزاجك عطول؟؟
مين العضو اللي نفسك تضربه كف؟؟
عضو بتحكيله (برافو عليك )؟؟
عضو يناسبه لقب الطموح ؟؟
اكتر عضو عاجبتك الصورة الرمزية والتوقيع اله؟؟
مين اكتر عضو نشيط بنظرك؟؟
عضو غائب عنا بتحكيله افتقدناك ؟؟
ايش ممكن تقدم اقتراحات للمنتدى ؟؟
مين هو آخر شخص حكالك بحبك وحسيته صادق بكلامه؟؟
بتحب تقضي وقتك مع عائلتك والا اصحابك؟؟
كم عدد اخوانك ؟؟
وانتي ترتيبك كم بينهم ؟؟؟
ايش هي آخر هدية وصلتك ومن مين ؟؟
بصراحة عجبتك الهدية والا لأ ؟؟
بتحب اللون الاسود والا الابيض ؟؟
معك وردة حمرا لمين بتهديها ؟؟؟
بصراحة ايمتا كذبت آخر مرة ؟؟
كم مرة بتروح للحلاق بالشهر ؟؟؟
مين اكثر مطرب بتحب تسمع له ؟؟
كم مرة عملت مشاكل بحياتك (تضاربت انت وحد )؟؟
شخص مشهور جدا تتمنى لو انك انت مكانه؟؟
هل بتحافظ على اداء الصلاة في المسجد؟؟
لما يكبرو اولادك بتحب يكونو متلك ؟؟؟
والا في خطط ببالك انت حابب تمشيهم عليها؟؟
هل أنت صادق بكل اجاباتك ؟؟؟
خلص بكفي هيك
بتمنى ما تكون الاسئلة مزعجة
تحياتي
صحيح عصبت عليّ والا لسّة
اكيد نفسك تخلص مني
لنـــــــــــا عودة
ليش اخترت اسم بلير11؟؟؟
اخترت اسم بلير ..صحابي في الحارة صارو ينادوني بهادا الاسم والفضل طبعا لوحدة طيبة كتير اكيد انتي بتعرفيها بس بلا ذكراسماء
اما الرقم 11 نسبة ليوم استشهاد الختيار ابو عمار رحمة الله عليه
ليش اخترت منتدى المشهراوي؟؟؟
طبعا انا اخترت المنتدى هادا لانو بحمل اسم عيلتي ولانو الاعضاء والمشرفين والقائمين على هاد المنتدى هم ابناء عمي وقرايبي واحبابي
وطبعا اخترت المنتدى هاد لنتواصل عيلة وحدة يعني الجيل الجديد يتعرف على بعض
طبعا انا من اوائل المسجلين بالمنتدى ههههه يعني الي الشرف اكون من اوائل يلي انضموا للمنتدى
أين بتحب تقضي كل وقتك ؟؟؟
بحب امضي كل وقتي بين اهلي وصحابي ولما اكون زهقان وتعبان من التفكير بحب اروح عالبحر
أين تجد نفسك بالبيت ؟؟؟
في المكان المناسب طبعا
أين تذهب لو أعطيتك يوم اجازة ؟؟؟
حرام عليكي يا ميري يوم واحد بس هههه
بحب اروح على الاماكن الي بعيدة عن الفوضى يعني مطاعم او كافترايات
مين اكتر عضو بيعجبك من الاعضاء ؟؟؟
يوسف منيب
ما هو الشيئ اللي بيغضبك بسرعة ؟؟؟
لمن اشوف ظالم او حدا بفتري على حدا تاني
متى تجلس لوحدك ولا تحب ان يكون احد معك ؟؟
لمن اكون مدايق او بفكر بشي بخص حياتي
متى تقول لا ؟؟؟
عندما يريد مني احد ان اكذب او اغضب الله تعالي طبعا بقول لاء
متى تكون اناني ؟؟؟
صراحة انا مش اناني وما عمري حسيت اني اناني بحب اعمل الخير الي ولغيري
ما رأيك بالحب عبر الانترنت ؟؟؟
طبعا برفضوا وما بايدو لانو اول شي مشالله عليهم بعض الشباب مش كلهم بس في شباب كتير ما بعرفوا معنى الحب وبستغلو مشاعر الصبايا عشان بس يضيعو وقت معهم وانا بنصح كل بنت بتفوت نت تخلي بالها من النت والانترنت
ما تعليقك على هذه الجملة ؟؟؟ ( الحب يمحو جميع العيوب والاخطاء في المحبوب ) ما تعليقك ؟؟؟
جملة حلوة وكلماتها اجمل اكيد الحب ما بعرف لا زمن ولا وقت ولا جمال ولا هيك امور الحب هوا الحب
جملة حلوة كتير منك ميري
يلي بدو يحب اهم شي انو يكون قلبو صافي وما ينظر للجمال والمال او هيك امور
هل انت راضي عن حياتك وعن كل ما وصلت له ؟؟؟؟ يعني هل انت سعيد بحياتك ؟؟؟
طبعا راضي عن حياتي وعن كل ما توصلت اليه بالنسبة لحياتي هل اني سعيد الحمدلله سعيد طبعا لانو الحمدلله نظري وسمعي وكل جسمي ما في يعني اعاقة وهاي الشغلة لازم تخلي انو الواحد يكون مبسوط انو بملك جسم سليم
اما عن الحياة والله بستنا المعابر تفتح هههه بكون مبسوط اكتر
ما هو اجمل ما قيل بالحياة في نظرك ؟؟؟
اذا اردت شيئا بقوة فأطلق سراحه فاذا عاد اليك فهوا ملكك الى الابد واذا لم يعد فهو لم يكن لك من البداية
هل انت فوضوي ؟؟؟
طبعا لاء وما بحب الفوضى وصحابها
اساس تقدم الامم النظام والاحترام
ما رأيك بالصداقة بين الشاب والفتاة؟؟
بوافق عليها بس من خلال عدة شروط واهمها انو تكون الصداقة هاي قايمة على الاحترام والاخلاص والصدق
مين العضو اللي نفسك تغير اسمه ؟؟
ولا حدا لانو كل واحد حر بفكرو وباسمو ما بفرض رائي على حدا
يعني يمكن في حدا مو عاجبو اسمي بلير11 بس بالاول وبالاخر انا صاحب هادا الراي عشان هيك ما بحب اضغط على حدا يغير شي هوا رادو
مين العضو المثقف بنظرك ؟؟
الملكة ومعجبة وميري وصراحة في كتار بس هدول هما النخبة
مين العضو اللي دخل مزاجك عطول؟؟
يوسف منيب
مين العضو اللي نفسك تضربه كف؟؟
لالالالا الا الضرب هههه كل الاعضاء تمام وحلوين
عضو بتحكيله (برافو عليك )؟؟
للعاشق الولهان
عضو يناسبه لقب الطموح ؟؟
معجبة
اكتر عضو عاجبتك الصورة الرمزية والتوقيع اله؟؟
رائد وملكة
مين اكتر عضو نشيط بنظرك؟؟
وتمضي الايام
عضو غائب عنا بتحكيله افتقدناك ؟؟
ميدو
ايش ممكن تقدم اقتراحات للمنتدى ؟؟
نتواصل اكتر وعملت فكرة مع يوسف منيب على انو نعمل طشة هيك يعني لنتعرف اكتر على بعض
اما داخل المنتدى فالمنتدى مشالله عليه يعني تمام
مين هو آخر شخص حكالك بحبك وحسيته صادق بكلامه؟؟
احم احم صراحة وحدة راح بعرفك عليها ههههه
بتحب تقضي وقتك مع عائلتك والا اصحابك؟؟
طبعا اهلي رغم انو صحابي بحب اجلس معهم وبحب اتم معهم طول الوقت بس الاهل وعائلتي طبعا
كم عدد اخوانك ؟؟
احنا 4 شباب و3 بنات يعني 7
وانت ترتيبك كم بينهم ؟؟؟
اخر العنقود في الشباب
ايش هي آخر هدية وصلتك ومن مين ؟؟
وصلتني هدية من حبيبتي السابقة وكانت اكتر من شي "عطر وصندوق ورد بداخلو اسمي وسلسال من الخزف"
بصراحة عجبتك الهدية والا لأ ؟؟
طبعا عجبتني لانها من حبيبتي
بتحب اللون الاسود والا الابيض ؟؟
الابيض افضل بس لوني المفضل هوا الاصفر
معك وردة حمرا لمين بتهديها ؟؟؟
راح اخليها واهديها لشريكة عمري
بصراحة ايمتا كذبت آخر مرة ؟؟
له له يا ميري انا كذاب هههه ما بحب الكذب بس يعني كذبت كذبة صغيرة على صاحبي عشان ابرر موقفي هههه اليوم
كم مرة بتروح للحلاق بالشهر ؟؟؟
3 مرات طبعا بحلق دقني في البيت
مين اكثر مطرب بتحب تسمع له ؟؟
الفنان الحلو محمد فؤاد
كم مرة عملت مشاكل بحياتك (تضاربت انت وحد )؟؟
يمكن مرتين بس انا ما بديت المشكلة يعني فرضت عليا فرض انو اضرب
شخص مشهور جدا تتمنى لو انك انت مكانه؟؟
ما بحب اكون متل حدا بحب الناس تكون متلي
هل بتحافظ على اداء الصلاة في المسجد؟؟
قبل الانقلاب الدموي الي عملتو حماس كنت صلاة بصلاة في المسجد بس هلاء وبعد الانقلاب ما بصل الجامع
بصلي في البيت امريح رأسي عشان ما اشوف الحماميس
لما يكبرو اولادك بتحب يكونو متلك ؟؟؟
طبعا اه ويكونو احسن
والا في خطط ببالك انت حابب تمشيهم عليها؟؟
والله في كبشة خطط في مخي عشان يطلعو اولاد ناجحين ومتفوقين
هل أنت صادق بكل اجاباتك ؟؟؟
طبعا صادق
خلص بكفي هيك
بتمنى ما تكون الاسئلة مزعجة
تحياتي
صحيح عصبت عليّ والا لسّة
اكيد نفسك تخلص مني
لنـــــــــــا عودة
والله لسة بدري هههههه الاسئلة حلوة وتمام ويسلمو
لا تقلقي ما بعصب انا انسان ديمقراطي على الاخر
نورتي الصفحة والله ميري وهلا فيكي ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شـو قــ ـلتـي حبينا حبينا زمــ ــ ــان
وعمر انقضى وكـ ــ ـان الي كـ ــ ـان
"صمتى لا يعنى جهلى بما يدور حولى ولكن ما يدور حولى لا يستحق الكلام"