اسرار كرسي الاعتراف مع الشخصيه الحبوبه والمرحه معجبة

أول شي بتأسف ع القدوم متأخر لهنا..!!
له اول يوم بالاسبوع هو نفسه اخر يوم ماتخاف بتشرف متى بتحب  ولووو
كنت حأسألك اول شخص .. بس تشغلت شوي
اها معلش شو عليك اتفضل وقت بتحب اسال

لأاني تأخرت حأخلي الاسئلة أطول من شهر رمضان هههههههه
اها شو علي بجاوب انشالله عكل اسئلتك خد راحتك 


المهم..
تفضل ...

بأتمنى تكوني كتير مبسوطة بالاستضافة ع الكرسي ..والكرسي كويس
معك
ايون تمام الوضع لحتى الان.. مرسي للملكة طبعا مريح الكرسي (بدي متلو عنجد )
وطلباتك من الكافيه الخاص بالكرسي ما بتخلص .لتكون نفسيتك مفتوحة ع الاسئلة بروح .
ماتخاف بجاوب كيف متكون النفسية

طعااميةههه .(طبعاً بعد الفطور الا اذا كنتي مفطرةهههه)
لا والله صايمة هههه
يلا نبدا ؟
اها تفضل
يلا
يلا...

اول شي نبدا بكلمة أو جملة نابعة من صميم قلبك بتوجيها لأغلى وأحب انسان بالنسبة الك!!
لاغلى واحب انسان لإلي ....
بنفع بيت شعر
احبك حبا لو يفيض بسيره على الخلق ... مات الخلق من شدة الحب
واعلم اني بعد ذاك مقصرا... لانك في اعلى المراتب من قلبي



لما تسترخي ع سريرك والافكار مشنشلة بفكرك ... من الانسـان الذي يحتل هذا التفكير
هههه سوال وجيه مع انو جوابو واضح .. طبعا الانسان الي بحبه هالكني تفكير


؟ وهل ما زال الى حتى الآن بغض النظر عما حدث معك انتي وهو ؟ام أنك تناسيتيه لأنه اختار حياته بعيدا عنك!!
يييييييييه شو انساه ... بموت بدونه ،، انا بستناه مش بنساه رغم أي شي ممكن يصدر منه
حتى لو اختار البعد.. انا بستناه ... متربع بقلبي وماخد راحته كمان


ماهي نقطة ضعفك...(ما تخافي ما حنستغلها )
مممم والله منا فاكرة هههه
بس انا مابتحمل اشوف حد يبكي او حد متالم او حد عايش بجرح
يعني أي شي في احساس تقدر تقول نقطة ضعفي
بالاخص بس شوف طفل ببكي ،،
او راجل ببكي مابتحمل هالشي،،،




على هوا يلي حصل بينك وبين مين بتحبي؟؟ ممكن حكمة بتؤمني فيها عن هالشي ؟
دع الامور تذهب وتاتي ... واجعل قلبك مفتوحا كالسماء
كل واحد جواه قوة روحية ... لما يكون عنده ارادة تطلع
ان اردت شيئا بشدة فاطلق سراحه.. فان عاد لك فهو لك وان لم يعد فهو لم يكن لك منذ البداية
هاي اهم مقولات بؤمن فيها



هل كنتي في وسط العلاقة بينك وبينه ..بتفكري انها علاقتكم ما حتكون النهاية تبقوا لبعض؟؟ واذا آه ... ليه استمريتي فيها ؟
انا وهو من وقت بدت العلاقة بينا واحنا عنا امل كبير نكون لبعض (الامل كان كاسينا كتير ومقوينا)
كنا مابنفكر نكون الا لبعض بمئشيئة ربنا ... رسمنا مستقبلنا (سميت ولادي كمان الي مفروض يعني يكونو منو  ) آآآآه كنا اقوى من أي اشي وما بهمنا اشي وكتير كان ناس مابدهم يانا لبعض ويمكن القريبين منا
اخر فترة كانت اوضاعنا كلها ضدنا وعرفنا انو مش لبعض بس تحديناها قد متتصور بكل الطرق ... عنا امل بربنا كبير..
استمريت لانو في امل...
بس هو استسلم بالاخير.... للاسف


لو يوم من الأيام طلبت نفسك منك مايك وحتغني أغنية ..يعني بتتناسب مع حالتك الآآن..
صوتي مش حلووو هههه
تبكي الطيور ... وائل كفوري
والجمهور بس حيكون هو(شخصك الكريم) شو هي الأغنية يلي حتغنيها ..(وتطربي نفسك فيها). ولم اخترتيها بالذات؟
لانو احنا الاتنين بنحبها كتير
ولانو الاغنية ممكن تعبر عني

لو بدي غني شي تاني
غني دايما دموع ... لحمادة هلال
رحلة عمري ... مصطفى كامل
لاني بحبهم بحس دايما حياتي دموع ورحلتها صعبة

اما لحبيبي
هو لو عليا بدي اغنيله اغنية تحياتي .... حمادة هلال
انت عمري... ام كلثوم
لانه انسان رائع



أي لون من الورود تفضلين ولماذا ؟!
بحب الورد الجوري الاحمر ؟؟ ممم لاني بحب الورد كتير بكل انواعه والوانه بس هاد بالذات لانه رمز الحب


ما هو سر انجــذابك لمن أحببتِ ؟
هههه
سوال محرج
بس حجاوب
كله عبعضه جذاب كتير
شكلو ولا اروع (جنتل وكتيير كوووول)
دماته خفاف عالاخير
راكز وقت الجد
دبلوماس محترف
راجل بما تحمله الكلمة من معاني الرجوله
واحلى شي فيه عيونه بس يضحك
بكفي هيك...
الباقي خليه الي ههه



اذا كنتي تعجبين بنفسك ..؟ ماهو سر هذا الاعجـاب ,,,..
يمكن لاني مرحة او دمي خفيف وبحب الخير للكل وعبيطة احيانا
شطورة (كنت حاليا بشك )
اجتماعية بس غامضة الا عن الي قراب مني

بس هلا مابتعجبني نفسي لاني بتغير هيك حاسة (الظروف اقوى  )


هل الآن .. النسياان يعاندك ؟!!
لا اتطمن... انا عنيدة عالاخير
وبطلع معو راس 
شوف .. هلا بعاندني لو انا كنت بدي انسى وعندي ارادة انسى بس انا كل ارادتي اني احافظ على حبي ويكبر جوايا .... فليش انسى؟؟؟!!
يعني انا الي بعانده




في هذا الزمن (زمن البحــث عن المادة) عن ماذا تبحث المعجــبة ؟
رضا ربنا
وراحة قلبي وبالي ... (شكلها طوالة كتير)




بماذا تقري وتعترفي أمامنا الان ؟(بقـصد أي شي .. ما في شي محدد ببالي.!!)
بشغلتين
الاولى ... اني بستنى حبيبي لاخر عمري ومابكون لغيره حتى لو ماكنت اله .. لو بستناه طول العمر واني بمووت فيه ومشتقاله (وينو يسمعني  )
التانية... انو انتو ناس طيبة وعيلة بتعقد كتير مهضومين وكتير بحبكم كلكم على بعضكم وبحيي رائد الي عرفني عليكم


هل أنتي من مدمني التفكيــر ؟ولماذا!!
لو كنت قاري الاسئلة الي عالكرسي كان ما سالت هالسوال بس حجاوب برده
انا اربعة وعشرين ساعة بفكر للاسف
ليه ؟؟ من الي بعيش فيه
عندك حل تاني؟؟


حقيبة اسرارك عند من تودعها؟
الانسان الي بحبه هو الوحيد الي كان بعرف كل صغيرة وكبيرة عني كل شي خاص وعام
هلا مافي حد غير نفسي



______________
معجبة ..؟ ايون..

كتيير بتأسف ع الاطالة
له عيب هيك .. مش بينا
خد راحتك

أتمنى ما يكون محمد كمال كان غلس ومزعج باسئلته
لع ماتخاف الاسئلة مش طويلة .. ومهضومة كمان والله

أتمنى لكي السعادة !
تسلم يارب
يسعدك انت كمان انشالله

_________________

بآآآآآآآآآآآآك
Welcome back
ومن قال مافيه اسئلةهع هع هع
انا مقلتش شوفي لو حد قال غيري ههه
:

:

1- لو لاسمح الله في يوم من الايام تفاجأتي ان اعز صديقه لك تتكلم من وراك .. شو موقفك وقتها وهل تسامحينها ..؟؟
تتكلم عني بشو قصد حضرتك؟؟ يعني تحكي شي بضهري ضدي... لا تطمني مافي صديقة بتعمل هيك
لانها مابتكون صديقة وساعتها مش حتكون بالنسبالي صديقة
بس لو كانت زميلة يعني او صاحبة وعاملة هيك شي انا بسامح كتير بس مابنسى خالص
والانسان الي بطلع من نفسي مابرجع متل مكان حتى لورجعنا مابنرجع متل اول الا (بمعجزة ههه)

2- لو عندك مبلغ ناويه تسافرين فيه .. وفجأه جاات لك اختك او جاااك اخوك .. وقالوا لك محتاجين .. من الاولى بنظرك .. وللعلم انها سفرة العمر ..؟؟

اختي !!! مممم
او اخويا!!!!!
مهو حسب يعني لو هما بدهم الفلوس لشي مش مهم مابظن ينفع بس لو الشي مهم الهم كتير متل مهو مهم الي اكيد بعطيهم ياه لانو الفلوس بتجي وبتروح .
ساعتها اكيد حكون مبسوطة اني قدرت اساعدهم لو الشي مهم وهما بحاجتي ... كاني عملت الي بدي ياه وزيادة


3- معجبة في وقت الحب من تحكم قلبها ام عقلها .. ولماذا ..؟؟
اهااا...
شكلك ياملكة مش قارية الاسئلة الي سالوني ياها...
السوال هاد جاوبتووو فوق
بس رح جاوبك تاني
بحكم قلبي في اغلب الاوقات والامور

4- برأيك فيها شي لو البنت قالت اسمها الحقيقي بالمنتدى .. وهل معجبة لديها الجرأه لقول اسمها بالمنتدى ..؟؟
شوفي ياستي..
هلا لو منتدى عام او أي منتدى طبعا ما بايد هالشي لانو في ناس تخصص ازية ومشاكل
وهالشي ممكن يعمل مشاكل اصلا
بس لو كان المنتدى منتدى عيلة والناس منها وفيها متل هالمنتدى فعادي لانهم كلهم عيلة وحدة ودايما سوا وبتعرفو على بعض اكتر
فما حد بضر اهلو وناسو
ولا شو رايك؟؟
اما اني اقول اسمي بالمنتدى
طبعا بقولو
ليش ماعندي الجراة
انا اسمي بالكامل
الآنسة/ معجبة بعائلة المشهراوي (هههه )
بس اسمي الحقيقي شو بده ياثر انه تعرفوه او لا
يعني انا هيكم عرفتوني وبتعرفوني يوم عن يوم
اسمي ماراح يقدم ولا ياخر
وحابة اكون عضو مخفي اسما
بس مش اكتر


5- شو نظرتك للرجل اللي يقول ان جمال المرآه في عيونها وشعرها .. والقلب ماله قيمه .. وانتي وين تشوفين جمال الرجل ..؟؟

اول شي كل شخص حر بطريقة تفكيرة
بس ياما ياما ناس حلوة و(وما خفي كان اعظم)
الجمال الخارجي مش هو الجمال
الجمال جمال الروح والاخلاق
وان هيك طريقة تفكير الانسان هاد انا بنصحة يحاول يتطلع من زاوية اخرى لانه اكيد رح يتعب كتير ويندم... (اللهم فاشهد اني قد بلغت )هههه
انا بشوف جمال الرجل
برجولته وشهامته وجمال روحه والجمال الخارجي بس هاد بعد الاساسيات الي زكرتها
بس لو كان راجل بالاسم مابخاف على عرضه وشرفه وبغار عليهم فمابينه وبين الرجوله صلة خالص
الراجل الي بكون يمتلك صفات الرجولة والشهامة وجمال الروح
مابخلى من شي خالص
والكمال لله وحده

:

:

بررررررررررررررررررررررب

Take ur time